كتمت الدمع في عيني كتمت وناحت الاحزان
كتمت وصاحت العبره حياتي لاتعنيني
كتمت الآه في قلبي وعذب قلبي الكتمان
وقف نبضي بكى همي جروح الحال ترثيني
ياهمي آه ياويلي (ف)بحر الآه انا غرقان
غريق ومالقيت اللي يحط ايديه بيديني
صدمت بصخرة الواقع تحطم مركب النسيان
تكسر جّرح ضلوعي شظايا تقتل سنيني
رسمت البسمه بشفاتي وعيني ترسم الأحزان
الم واخفي معاناتي ويبان الهم في عيني
تحطم كل مافيني تبعثر داخل الواجدان
الآ ياشينها دنيا تجمع حزنها فيني
وماتت كل طموحاتي وباقي هالامل عطشان
امل يرجيك في بعدك تحن ارجوك(وت)جيني
تعالي ارجوك ياحبي ابيك تشّيع الجثمان
تعالي والكفن بيِدك ابيك انتي تغطيني
تعالي احفري قبري حياتي واعشقي النسيان
انا مابي بعد موتي تفكر بي وتبكيني
عساك السعد في دربك وتجهل دربك الاحزان
وانا بقفي عن الدنيا دفى قبري يكفيني